Selvogur

Mörk

Selvogur er austarlega á sunnanverðum Reykjanesskaga og  nær svæðið yfir fjörur og grunnsævi, frá Selvogsvita í austri og vestur að Herdísarvíkurhrauni á móts við Hvíthól. Einnig tjarnir vestur af Herdísarvík.

Lýsing

Næst fjörunni eru víða skerjadrög; fjörubeðurinn er að mestu hraunklappir, sem eru ríkar af fjörupollum, glufum og skorningum, en á köflum er möl og sandur Strandvötn eru við Herdísarvík. Brimasemi er talsverð vestast næst Nesi, en nokkur nær Herdísarvík. Útivist er stunduð á svæðinu og lítilsháttar fjörubeit.

Forsendur fyrir vali

Klóþangsfjörur, fjörupollar, lítilsháttar fjörumór, kræklinga- og sölvaóseyra, auk margvíslegra annarra fjörugerða; grófgerður og úfinn fjörubeðurinn er ríkur skjólsælum glufum, skorningum og fjörupollum sem fóstra auðugt lífríki.

Fjölbreytt fuglalíf, m.a. á fartíma, og nær fjöldi rauðbrystinga sem nýtir svæðið þá alþjóðlegum verndarviðmiðum.

Vistgerðir

Fuglar - Fjörur og grunnsævi

Ógnir

Vaxandi ferðamennska.

Aðgerðir til verndar

Tryggja að fjörusvæði verði ekki skert og að umferð ferðamanna verði stýrt um svæðið.

Núverandi vernd

Útgáfudagsetning