Elliðavatn

Mörk

Vatnið, ásamt Elliðavatnsengjum, eyjum, hólmum og bökkum vatnsins.

Lýsing

Elliðavatn er grunnt vatn sem var stíflað árið 1926 og gert að uppistöðulóni fyrir Elliðaárvirkjun. Lækkað er í vatninu á sumrin og koma þá í ljós hinar víðáttumiklu Elliðavatnsengjar sem eru að stórum hluta gulstararflóavist. Tvær ár renna í Elliðavatn, Hólmsá og Suðurá úr Silungapolli, en úr vatninu renna Elliðaárnar til sjávar. Í vatninu er bæði staðbundin bleikja, sem hefur fækkað mikið á síðari árum, sem og urriði og er hvorutveggja mikið nýtt til stangveiða. Þétt og vaxandi íbúabyggð er vestan og norðan við vatnið, annars er skógrækt, mólendi og gróið hraun víða með bökkum. Útivist er stunduð með bökkum vatnsins, þar á meðal hestamennska og austan þess er Heiðmörk, eitt vinsælasta útivistarsvæði höfuðborgarsvæðisins.

Forsendur fyrir vali

Í vatninu eru stór og samfelld svæði þar sem tjarnalaukur og álftalaukur vex.

Vistgerðir

Ógnir

Vaxandi byggð þrengir víða að vatninu og vatnsmiðlunin hefur breytt eiginleikum þess. Mengun yfirborðsvatns sem rennur í vatnið, iðnaður og vaxandi umferð fólks um svæðið.

Aðgerðir til verndar

Takmarka þarf frekari uppbyggingu í næsta nágrenni vatnsins og tryggja nægjanlegan verndarjaðar.

Núverandi vernd

Útgáfudagsetning