Kúðafljót

Mörk

Svæðið nær yfir ósa Kúðafljóts ásamt 1 km fjöru til austurs og vesturs, eftir því sem árfarvegur er hverju sinni.

Lýsing

Kúðafljót er meðal stærstu jökuláa landsins en um er að ræða neðsta hluta fjölda vatnsfalla sem runnið hafa saman og eiga uppruna sinn í jökul- og lindám af stóru vatnasvæði á Suðurlandi. Við ósa Kúðafljóts, sem rennur til sjávar á Meðallandssandi, eru umfangsmikil landselslátur.

Forsendur fyrir vali

Allt að 26% af landselum Suðurlands og 5% af heildarstofninum liggja í látrum við ósa Kúðafljóts. Landsel hefur fækkað um 56,4% á svæðinu frá 1980.

Selir

Ógnir

Mikil aukning ferðamanna á Suðurlandi getur valdið truflun sela í látrum.

Aðgerðir til verndar

Brýnt er að tryggja vernd sela í látrum og nærliggjandi grunnsævi þar sem fæðuöflun fer fram. Nauðsynlegt getur verið að stýra umferð ferðamanna um svæðið.

Núverandi vernd

Útgáfudagsetning