Svæðið er tilnefnt vegna fugla.
Mörk
Vatnasvið Skjálfandafljóts ofan Aldeyjarfoss. Vesturmörkin eru vatnaskil Fnjóskár og Skjálfandafljóts, austurmörkin liggja að Vatnajökulsþjóðgarði og vestan Surtluflæðu. Svæðið nær úr suðri frá Kambsfelli og um Tunguhraun og norður fyrir Mjóadal og að Suðurá.
Lýsing
Syðsti hlutinn er fjalllendi með kvíslum en norðan Fljótshnjúks sameinast kvíslarnar í einn farveg í Skjálfandafljóti sem fellur síðan eftir þröngum dal til byggða. Upp af árdalnum ganga nokkrir dalir til suðurs inn á hálendið. Dalbotnarnir eru sums staðar vel grónir en auðnir eru víða og syðst og austast eru sandorpin hraun.
Forsendur fyrir vali
Mjög mikið heiðagæsavarp er við Skjálfandafljót og þverár þess og telst það alþjóðlega mikilvægt.
Fuglar - Votlendi og önnur svæði
| Nafn | Árstími | Fjöldi (pör) | Ár | Hlutfall af íslenskum stofni (%) |
|---|---|---|---|---|
| Heiðagæs (Anser brachyrhynchus) | Varp | 4724
|
2002 | 6,0
|
Ógnir
Áform um virkjanir.
Aðgerðir til verndar
Koma þarf í veg fyrir að lykilbúsvæðum heiðagæsa verði raskað með virkjunum.
