Svæðið er tilnefnt vegna fugla.
Mörk
Láglendi Öxarfjarðar neðan þjóðvegar, ásamt Lónum og ströndin frá Hringsbjargi í vestri að Buðlungahöfn í austri.
Lýsing
Nær allt svæðið er flóðslétta Jökulsár á Fjöllum. Suðaustan til eru gróðursnauðir áraurar en víðiflesjur og fjalldrapamóar er nær dregur ströndinni en þá taka við sandar og sjávarlón. Fjölbreytt votlendi; ár, vötn, lækir (kaldir og volgir), tjarnir og mýrar. Dregið hefur úr hefðbundnum landbúnaði en fiskeldi hefur vaxið mikið. Einnig töluverð stangveiði og skotveiði.
Forsendur fyrir vali
Mikið og fjölbreytt fuglalíf og skúmur, lómur og flórgoði (mesta varp utan Mývatns er við Víkingavatn) ná alþjóðlegum verndarviðmiðum á varptíma. Sama á við um grágæs í fjaðrafelli og húsendur og gulendur að vetri til. Stærsta svartbaksvarp á Norðurland er á austurhluta sandsins og töluvert duggandarvarp er við Víkingavatn en þetta eru hvort tveggja forgangstegundir.
Fuglar - Votlendi og önnur svæði
Nafn | Árstími | Fjöldi (pör) | Ár | Hlutfall af íslenskum stofni (%) |
---|---|---|---|---|
Lómur (Gavia stellata) | Varp | 120
|
2009 | 8,0
|
Flórgoði (Podiceps auritus) | Varp | 133
|
2004 | 19,0
|
Grágæs (Anser anser) | Fellir | 3000
|
2015 | 3,0
|
Duggönd (Aythya marila) | Varp | 46
|
2016 | 1,0
|
Húsönd (Bucephala islandica) | Vetur | 53
|
2005–2014 | 3,0
|
Gulönd (Mergus merganser) | Vetur | 31
|
2005–2014 | 3,0
|
Skúmur (Catharacta skua) | Varp | 225
|
1984 | 1,0
|
Svartbakur (Larus marinus) | Varp | 230
|
2009 | 3,0
|
Ógnir
Skotveiðar á vetrum sem trufla viðkvæmar tegundir á borð við húsönd og gulönd. Útbreiðsla framandi tegunda, sauðfjárbeit og skógrækt.
Aðgerðir til verndar
Banna á skotveiðar á lindasvæðum. Stýring búfjárbeitar og aðgerðir til að halda framandi tegundum í skefjum.
Núverandi vernd
Núverandi verndarsvæði | Staða |
---|---|
Vatnajökull National Park | Þjóðgarður |