Loftslagsdagurinn 4. maí
Loftslagsdagurinn 2023 fer fram 4. maí í Hörpu og beinu streymi.
Þemu dagsins eru:
- Hvernig miðar okkur í átt að kolefnishlutleysi?
- Hvaða breytingar þurfum við að gera á samfélaginu til að ná kolefnishlutleysi?
- Hvernig skila peningarnir árangri?
Sérstakur gestafyrirlesari verður Daniel Montalvo, sérfræðingur í sjálfbærri auðlindanýtingu og iðnaði hjá Umhverfisstofnun Evrópu, sem mun fjalla um aftengingu hagvaxtar og umhverfisáhrifa undir yfirskriftinni: Decoupling to deliver on the sustainability transition - Towards a climate neutral, circular and pollution free society. Daniel hefur unnið við hjá Umhverfisstofnun Evrópu í 10 ár og fengist við losun iðnfyrirtækja, stefnumótandi áherslur við innleiðingu hringrásarhagkerfis, hráefnanýtingu og tengingar iðnaðar og umhverfis.
Á dagskrá er fjöldi spennandi erinda úr ýmsum áttum, pallborðsumræður, áhugaverðar hugvekjur og tækifæri til að blanda geði!