Svæðið er tilnefnt vegna ferskvatnsvistgerða.
![Herðubreið og Herðubreiðarlindir Herðubreið og Herðubreiðarlindir](/sites/default/files/styles/original_medium/public/externals/0f80d8a73a20f6dee3d5f670e5dc4ef5.jpg?itok=DAc9EjrQ)
Mörk
Frá Jökulsá á Fjöllum í norðri, með farvegi árinnar suður fyrir Álftavatn og þaðan suðvestur fyrir Herðubreið. Vestanvert liggja mörkin frá Herðubreið að Fremstafelli í norðri.
Lýsing
Herðubreiðarlindir og Grafarlönd er gróðurvinjar á hálendinu þar skiptast á lyng- og fjalldrapamóar, mýrar og flóar. Undan jöðrum Ódáðahrauns streyma margar lindir og sameinast í Lindaá sem fellur í Jökulsá á Fjöllum. Grafarlandsá rennur frá Grafarlöndum í Jökulsánna. Í Herðubreiðarlindum og Grafarlöndum verpur fjöldi heiðagæsa. Meðal annarra tegunda sem halda til á svæðinu eru straumönd, hávella og óðinshani. Útivist og ferðamennska er stunduð á svæðinu.
Forsendur fyrir vali
Fjölmargar uppsprettur, oft mjög djúpar. Hér finnst stór stofn dvergbleikju og hér hafa báðar tegundir grunnvatnsmarflóa fundist, önnur reyndar bara í maga bleikju.
Vistgerðir
Vistgerð | km2 | Hlutfall af heildarflatarmáli (%) | |
---|---|---|---|
Ferskvatn | < 0,01
|
2 |
Ógnir
Umferð ferðamanna og uppbygging í tengslum við ferðamennsku.
Aðgerðir til verndar
SSvæðið hefur verið friðlýst sem friðland frá árinu 1974. Styrkja þarf vernd svæðisins í stjórnar- og verndaráætlun. Stýra þarf umferð ferðafólks um svæðið. Til að ná fram skilvirkri vernd vatnavistgerða þarf að tryggja að jaðarsvæðum þeirra sé ekki raskað í að minnsta kosti 100 m fjarlægð frá þeim.
Núverandi vernd
Núverandi verndarsvæði | Staða |
---|---|
Vatnajökulll National Park | Þjóðgarður |
Fleiri myndir
![Lindavatn rennur undan hraunjaðri í einni af uppsprettum Herðubreiðarlinda Lindavatn rennur undan hraunjaðri í einni af uppsprettum Herðubreiðarlinda](/sites/default/files/styles/original_medium/public/externals/7b8b569224f610b72ffe07cea2504da6.jpg?itok=T8YMHLN0)
Útgáfudagsetning
Gefið út: 2018-04-05 Síðast uppfært: 2020-05-26![Map of Herðubreiðarlindir Location of area Herðubreiðarlindir in iceland](/sites/default/files/styles/original_medium/public/externals/63f3cc50a64799df945a0e37cbfd6f45.jpg?itok=XCvhFOmt)