Svæðið er tilnefnt vegna jarðminja.
![Stuðlafoss Stuðlafoss](/sites/default/files/styles/original_medium/public/externals/311190a4ca303b764a20e2485a6c2a67.jpg?itok=pnEWnelK)
Mörk
Mörk svæðis miðast við Stuðlafoss annars vegar, og stuðlabergshamra Stuðlagils í Jöklu hins vegar, auk 200 m jaðarsvæðis. Svæðið tengist saman með 100 m jaðarsvæði frá bökkum Jökulsár.
Lýsing
Stuðlafoss er vatnslítill en formfagur foss hjá samnefndu eyðibýli á Jökuldal, austan við Jökulsá á Dal. Áin fellur fram af stuðluðu hraunlagi og í fossinum hefur brotnað ofan af stuðlunum þannig að þeir mynda tröppur í neðri hluta fossins. Stuðlarnir í fossinum eru mosagrónir sem eykur á litadýrðina. Stuðlagil er í farvegi Jökulsár skammt sunnan bæjarhúsa á Grund. Þar má sjá mikilfenglega stuðlabergshamra á um 300 m kafla og eru stuðlarnir allt að 30 m háir. Þeir voru áður að miklu leyti undir vatni en eftir að jökulvatnið hvarf við byggingu Kárahnjúkavirkjunar kom neðri hluti stuðlanna í ljós. Gilið nýtur nú mikilla og vaxandi vinsælda hjá ferðamönnum. Dalurinn er allvel gróinn og á svæðinu er stunduð sauðfjárrækt og ferðaþjónusta.
Forsendur fyrir vali
Formfagur foss með stuðlabergsumgjörð og háir stuðlabergshamrar í farvegi Jöklu. Vaxandi áningarstaður ferðamanna.
Ógnir
Aukinn ferðamannastraumur og fyrirhuguð frístundabyggð við Grund.
Aðgerðir til verndar
Innviðauppbygging og stýring ferðamanna.
Núverandi vernd
Núverandi verndarsvæði | Staða |
---|---|
Stuðlafoss | Aðrar náttúruminjar |
Náttúruverndarlög | Aðrar náttúruminjar |
Fleiri myndir
![Stuðlagil Stuðlagil](/sites/default/files/styles/original_medium/public/externals/408c5eef1d2e7c9795796782f5e9b480.jpg?itok=HyoKp_Kj)
Útgáfudagsetning
Gefið út: 2020-12-03![Map of Stuðlafoss og Stuðalagil Location of area Stuðlafoss og Stuðalagil in iceland](/sites/default/files/styles/original_medium/public/externals/81de8bc72e0bfa1c32dcf7874458b75d.jpg?itok=ONwv_QYJ)