26. febrúar 2003. Ólafur Einarsson: Ný Náttúruverndaráætlun: Tillögur NÍ um verndun lífríkis
26. febrúar 2003. Ólafur Einarsson: Ný Náttúruverndaráætlun: Tillögur NÍ um verndun lífríkis
Ólafur Einarsson fuglafræðingur hjá Náttúrufræðistofnun Íslands flytur erindi á Hrafnaþingi 26. febrúar 2003.
Í lögum frá árinu 1999 er kveðið á um að umhverfisráðherra skuli láta vinna náttúruverndaráætlun á fimm ára fresti og leggja hana fyrir Alþingi, en Náttúrufræðistofnun hefur veigamiklu hlutverki að gegna í vinnu að áætluninni. Í erindinu verður greint frá nýjum tillögum stofnunarinnar sem unnar voru vegna Náttúruverndaráætlunar 2002 og voru birtar nýlega í skýrslu sem fjallar um verndun á lífríki. Í tillögunum eru nefnd 40 svæði sem leggja ætti áherslu á að friða næstu árin. Stærð þeirra er frá 1 til 1000 km2. Stofnunin leggur til að friðaðar verði fleiri tegundir plantna en þegar hefur verið gert. Lögð verði áhersla á að friða svæði þar sem gróður er sérstæður og fágætar plöntur vaxa. Tillögur eru um verndun sjö fuglategunda. Auk þess er lagt til að stærstu fuglabjörg landsins verði vernduð sérstaklega en þau hafa alþjóðlegt verndargildi. Í erindinu verður fjallað í máli og myndum um hinar nýju tillögur.
![joh_longufjorur Löngufjörur](/sites/default/files/styles/original_small/public/thumbnails/image/joh_longufjorur.jpg?itok=-PN7CdSb)
![joh_veidivotn Veiðivötn](/sites/default/files/styles/original_small/public/thumbnails/image/joh_veidivotn.jpg?itok=ZkZR3CMn)