12. mars 2003. Ólafur Karl Nielsen: Rjúpan og viðkoma fálkans
12. mars 2003. Ólafur Karl Nielsen: Rjúpan og viðkoma fálkans
![Rjúpa í sumarbúningi Rjúpa í sumarbúningi](/sites/default/files/styles/original_small/public/thumbnails/image/eo_sumarrjupa.jpg?itok=E6vd0U_l)
Ólafur Karl Nielsen vistfræðingur hjá Náttúrufræðistofnun Íslands flytur erindi á Hrafnaþingi 12. mars 2003.
Rjúpan er aðalfæða fálkans og á þeim tíma árs þegar hann er að undirbúa varp og á meðan á varpi og álegu stendur, þ.e. frá síðari hluta mars og fram í lok maí, étur hann fátt annað en rjúpu. Íslenski rjúpnastofninn er mjög breytilegur að stærð og munur á rjúpnafjölda í hámarks- og lágmarksári getur verið 5-10-faldur. Í erindinu verður fjallað um hvaða áhrif breytingar á fæðuframboði hafa á varpafkomu fálka, þ.e. þætti eins og hversu stór hluti óðalsbundinna fálka tekur þátt í varpi, hvenær vors þeir verpa, fjölda eggja í hreiðri og hversu margir ungar komast upp.
Fyrirlesturinn byggir á rannsóknum á fálka og rjúpu á Norðausturlandi 1981-2002.
![falkaungar_big Fálkaungar](/sites/default/files/styles/original_small/public/thumbnails/image/falkaungar_big.jpg?itok=V2Du1ScT)
![falkasetur_big Fálkaklettur](/sites/default/files/styles/original_small/public/thumbnails/image/falkasetur_big.jpg?itok=jvp5Qqux)