12. febrúar 2003. Kristján Jónasson: Kísilríkt berg á Íslandi
12. febrúar 2003. Kristján Jónasson: Kísilríkt berg á Íslandi
Kristján Jónasson jarðfræðingur hjá Náttúrufræðistofnun Íslands flytur erindi á Hrafnaþingi 12. febrúar 2003.
Í erindinu verður fjallað um rannsóknir á kísilríku bergi á Íslandi. Fyrst verður gerð grein fyrir hvað kísilríkt berg er og dreifingu þess hér á landi. Þá verður fjallað nánar um bergfræði og efnafræði kísilríks bergs. Skoðuð verður mismunandi ásýnd kísilríks bergs og steindasamsetning þess. Innihald aðalefna og snefilefna í kísilríku bergi á Íslandi verður borið saman við samsetningu samskonar bergs erlendis og við niðurstöður bergfræðitilrauna.
Að lokum verða kynntar helstu kenningar um uppruna kísilríks bergs og lagt mat á hversu vel þær útskýra gerð og dreifingu kísilríks bergs hér á landi.
![kj_berufjordur Berufjörður](/sites/default/files/styles/original_small/public/thumbnails/image/kj_berufjordur.jpg?itok=VdVdKj8C)
![kj_hlidarfjall Hlíðarfjall í Mývatnssveit](/sites/default/files/styles/original_small/public/thumbnails/image/kj_hlidarfjall.jpg?itok=6e2DgfR8)
![kj_landmannalaugar Landmannalaugar](/sites/default/files/styles/original_small/public/thumbnails/image/kj_landmannalaugar.jpg?itok=EBOIZFia)