Kortagerðarfólk framtíðarinnar
![Kort af Stöðvarfirði, unnið af nemendum Breiðdals- og Stöðvarfjarðarskóla í samstarfi við Rannsóknasetur Háskóla Íslands og Náttúrufræðistofnun Íslands á Breiðdalsvík.](/sites/default/files/styles/original_small/public/2024-05/stodvarfjordur_a2_nafnlaus.jpg?itok=qaitECoK)
Nýverið var haldin uppskeruhátíð ungs kortagerðafólks í Breiðdals- og Stöðvarfjarðarskóla þar sem kynntar voru afurðir nemendaverkefnis sem unnið var í samstarfi við Rannsóknasetur Háskóla Íslands og Náttúrufræðistofnun Íslands á Breiðdalsvík.
Markmið verkefnisins var nemendur kynntust undirstöðum kortagerðar og lærðu að vinna með raunveruleg gögn, eins og loftmyndir og kort af ýmsum toga. Upplýsingar voru merktar inn á grunnkort og GPS-tæki notuð til að safna hnitum og ferlum úti í mörkinni. Með þessum verkfærum kortlögðu nemendur búsetu sína, uppáhaldsstaði og göngustíga- og gangstéttakerfi þorpanna tveggja, ásamt því að gera tillögur að göngustígum og gangstéttum þar sem vöntun er á. Elstu nemendurnir tóku við gögnum frá þeim yngri og unnu úr þeim í kortagerðarhugbúnaðinum QGIS. Þar voru skönnuð grunnkort hnituð, gögn sótt í GPS-tæki, punktar, línur og flákar teiknaðir og fyllt út í eigindatöflur, að lokum var hannað útlit og framsetning upplýsinga á kortunum.
Afrakstur verkefnisins eru fimm kort, hvert með sínu sniði. Meðal annars eru lagðar fram tillögur að göngustígum og gangstéttum á Stöðvarfirði og Breiðdalsvík. Athygli vakti hvað unglingarnir voru fljótir að ná áttum í hugbúnaði sem flestir kynnast ekki fyrr en í háskóla. Hver veit nema þarna séu á ferðinni verðandi landupplýsingasérfræðingar Náttúrufræðistofnunar.
![Kort af Breiðdalsvík, unnið af nemendum Breiðdals- og Stöðvarfjarðarskóla í samstarfi við Rannsóknasetur Háskóla Íslands og Náttúrufræðistofnun Íslands á Breiðdalsvík.](/sites/default/files/styles/original_small/public/2024-05/breiddalsvik_a2_nafnlaus.jpg?itok=4pre6xRI)
![Nemendur úr Breiðdals- og Stöðvarfjarðarskóla unnu að kortagerðarverkefni vorið 2024.](/sites/default/files/styles/original_small/public/2024-05/mhg_kortagerdarfolk_2.jpeg.jpg?itok=wQkyRGtm)
![Nemendur úr Breiðdals- og Stöðvarfjarðarskóla unnu að kortagerðarverkefni vorið 2024.](/sites/default/files/styles/original_small/public/2024-05/mhg_kortagerdarfolk_3.jpg?itok=WlYwJaJt)
![Nemendur úr Breiðdals- og Stöðvarfjarðarskóla unnu að kortagerðarverkefni vorið 2024.](/sites/default/files/styles/original_small/public/2024-05/mhg_kortagerdarfolk_1.jpg?itok=EHgLwouO)
![Nemendur úr Breiðdals- og Stöðvarfjarðarskóla unnu að kortagerðarverkefni vorið 2024.](/sites/default/files/styles/original_small/public/2024-05/mhg_kortagerdarfolk_5.jpg?itok=cw2Sttk5)
![Nemendur úr Breiðdals- og Stöðvarfjarðarskóla unnu að kortagerðarverkefni vorið 2024.](/sites/default/files/styles/original_small/public/2024-05/mhg_kortagerdarfolk_4.jpg?itok=j0tSd4ZR)
![Frá uppskeruhátíð ungs kortagerðafólks í Breiðdals- og Stöðvarfjarðarskóla þar sem kynntar voru afurðir nemendaverkefnis](/sites/default/files/styles/original_small/public/2024-05/mhg_kortagerdarfolk_8.jpg?itok=HrnfbYch)
![Nemendur úr Breiðdals- og Stöðvarfjarðarskóla unnu að kortagerðarverkefni vorið 2024.](/sites/default/files/styles/original_small/public/2024-05/mhg_kortagerdarfolk_6.jpg?itok=C8anoUko)
![Afurð nemendaverkefnis við Breiðdals- og Stöðvarfjarðarskóla vorið 2024](/sites/default/files/styles/original_small/public/2024-05/mhg_kortagerdarfolk_7.jpg?itok=7qzNASJJ)