Umhverfis-, orku- og loftslagsráðherra í heimsókn
![Guðlaugur Þór Þórðarsson, umhverfis-, orku og loftslagsráðherra og starfsfólk Náttúrufræðistofnunar Íslands Guðlaugur Þór Þórðarsson, umhverfis-, orku og loftslagsráðherra og starfsfólk Náttúrufræðistofnunar Íslands](/sites/default/files/styles/hero_extra_large/public/thumbnails/image/sik_img_1318.jpg?h=10d202d3&itok=leoavFtU)
Umhverfis-, orku- og loftslagsráðherra, Guðlaugur Þór Þórðarson, heimsótti Náttúrufræðistofnun Íslands í gær í þeim tilgangi að kynna sér hlutverk og starfsemi stofnunarinnar og hitta fyrir starfsfólk. Með ráðherra í för var aðstoðarmaður hans, ráðuneytisstjóri og upplýsingafulltrúi.
Ráðherrann átti fund með forstjóra og sviðsstjórum stofnunarinnar þar sem hlutverk, starfsemi og helstu verkefni Náttúrufræðistofnunar Íslands voru kynnt og rædd. Því næst átti hann fund með öllu starfsfólki þar sem hann hélt tölu og bauð upp á spurningar. Að lokum var gengið um stofnunina, húsnæðið skoðað og starfsemin kynnt frekar, meðal annars vísindasöfnin. Ráðherrann sýndi viðfangsefnum stofnunarinnar mikinn áhuga og gaf sér góðan tíma í að kynna sér þau.
Guðlaugur Þór Þórðarson tók við embætti umhverfis-, orku- og loftslagsráðherra 28. nóvember síðastliðinn þegar hann tók við lyklum að ráðuneytinu úr höndum fráfarandi ráðherra, Guðmundi Inga Guðbrandssyni. Aðstoðarmenn ráðherra eru Steinar Ingi Kolbeins og Unnur Brá Konráðsdóttir.
![Guðlaugur Þór Þórðarson umhverfis-, orku- og loftslagsráðherra ræðir við starfsfólk Náttúrufræðistofnunar Íslands Guðlaugur Þór Þórðarson umhverfis-, orku- og loftslagsráðherra ræðir við starfsfólk Náttúrufræðistofnunar Íslands](/sites/default/files/styles/original_small/public/thumbnails/image/hr_img_6188.jpg?itok=XWuX4koL)
![Heimsókn umhverfis-, orku- og loftslagsráðherra í dýrasafni Náttúrufræðistofnunar Íslands Anna Sveinsdóttir sviðsstjóri Vísindasafna og miðlunar sýnir Guðlaugi Þór Þórðarsyni umhverfis-, orku- og loftslagsráðherra eintak í dýrasafni stofnunarinnar. Með á myndinni er Eydís Líndal Finnbogadóttir forstjóri Náttúrufræðistofnunar Íslands.](/sites/default/files/styles/original_small/public/thumbnails/image/ase_gthth_ni_heimsokn2.jpg?itok=GH4sgB8v)
![Heimsókn umhverfis-, orku- og loftslagsráðherra í votsýnasafn Náttúrufræðistofnunar Íslands Heimsókn umhverfis-, orku- og loftslagsráðherra í votsýnasafn Náttúrufræðistofnunar Íslands](/sites/default/files/styles/original_small/public/thumbnails/image/lv_img_1201.jpg?itok=P6MuTv6A)
![Heimsókn umhverfis-, orku- og loftslagsráðherra í steinasafn Náttúrufræðistofnunar Íslands Heimsókn umhverfis-, orku- og loftslagsráðherra í steinasafn Náttúrufræðistofnunar Íslands](/sites/default/files/styles/original_small/public/thumbnails/image/lv_img_1214.jpg?itok=B9a4sgvL)