Þorkell Lindberg Þórarinsson er forstjóri Náttúrufræðistofnunar Íslands frá og með 1. janúar 2021.
Þorkell Lindberg Þórarinsson
Umhverfis- og auðlindaráðherra skipaði í nóvember síðastliðinn Þorkel Lindberg Þórarinsson í embætti forstjóra Náttúrufræðistofnunar Íslands til fimm ára. Tók skipunartími hans gildi frá og með 1. janúar sl.
Þorkell lauk MS prófi í dýravistfræði frá Háskóla Íslands árið 2002. Hann hefur einnig lagt stund á diplómanám í opinberri stjórnsýslu við Háskóla Íslands.
Þorkell var forstöðumaður Náttúrustofu Norðausturlands frá árinu 2003 til ársloka 2020. Hann hefur leitt og stýrt fjölda rannsóknaverkefna, sem og verið meðhöfundur fjölda ritrýndra vísindagreina.