Vel heppnuð Vísindavaka að baki
![Vísindavaka 2018 – Íslenski refurinn](/sites/default/files/styles/hero_extra_large/public/thumbnails/image/mh_visindavaka_2018_2.jpg?h=10d202d3&itok=wCnhSQXQ)
Miðpunktur Vísindavöku var sýningarsvæðið þar sem gestir gátu kynnst viðfangsefnum vísindafólks á fjölmörgum sýningarbásum. Náttúrufræðistofnun Íslands var á staðnum og kynnti íslenska refinn og rannsóknir honum tengdar. Áhersla var lögð á aldursgreiningar refa en hægt er að greina aldur spendýra með að telja vetrarlínur í tannrótum þeirra, líkt og um áhringi trjáa væri að ræða. Sýningargestir fengu að spreyta sig á að meta aldur refa með því að skoða þunnsneiddar tennur í smásjá. Ester Rut Unnsteinsdóttir spendýravistfræðingur var á staðnum og svaraði spurningum áhugasamra.
Náttúrufræðistofnun Íslands tók einnig þátt í sýningunni „Óbeisluð náttúra – innviðir Surtseyjar“, þar sem kynnt var samvinnuverkefni Jarðvísindastofnunar HÍ, Matís, Ísor og Náttúrufræðistofnunar. Kynnt var borun í Surtsey árið 2017 og rannsóknir á myndun eldfjallaeyjar í N-Atlantshafi. Kristján Jónasson jarðfræðingur var fulltrúi stofnunarinnar í sýningunni.
Í tilefni af Vísindavöku gaf Náttúrufræðistofnun út bæklinginn Íslenski refurinn þar sem finna má ýmsar upplýsingar um refinn og rannsóknir á honum.
Að neðan má sjá myndir frá refasýningarbás Náttúrufræðistofnunar Íslands.
![Vísindavaka 2018 – Íslenski refurinn](/sites/default/files/styles/original_small/public/thumbnails/image/mh_visindavaka_2018_1.jpg?itok=2m7IFHzM)
![Vísindavaka 2018 – Íslenski refurinn](/sites/default/files/styles/original_small/public/thumbnails/image/mh_visindavaka_2018_3.jpg?itok=7lmPnrSF)
![Vísindavaka 2018 – Íslenski refurinn](/sites/default/files/styles/original_small/public/thumbnails/image/atm_visindavaka_2018_4.jpg?itok=jklELluI)
![Vísindavaka 2018 – Íslenski refurinn](/sites/default/files/styles/original_small/public/thumbnails/image/atm_visindavaka_2018_5.jpg?itok=u4S0a9Lm)
![Vísindavaka 2018 – Íslenski refurinn](/sites/default/files/styles/original_small/public/thumbnails/image/mh_visindavaka_2018_4.jpg?itok=nt4gmHVd)
![Vísindavaka 2018 – Íslenski refurinn](/sites/default/files/styles/original_small/public/thumbnails/image/atm_visindavaka_2018_2.jpg?itok=3hvODgkM)
![Vísindavaka 2018 – Íslenski refurinn](/sites/default/files/styles/original_small/public/thumbnails/image/atm_visindavaka_2018_3.jpg?itok=xa8uQAfv)
![Vísindavaka 2018 – Íslenski refurinn Vísindavaka 2018, Refur, Melrakki, Tófa, Aldursgreining, Tennur, Kjálkar, Hauskúpur](/sites/default/files/styles/original_small/public/thumbnails/image/atm_visindavaka_2018_1.jpg?itok=wWvw0_Qw)