Gísli Már Gíslason prófessor við HÍ við læk í Hengladölum 2015 – Ljósm. Björn Gíslason
Hrafnaþing Náttúrufræðistofnunar Íslands hefst að nýju eftir hlé miðvikudaginn 19. október. Það er Gísli Már Gíslason prófessor við Háskóla Íslands sem flytur fyrsta erindi haustsins og nefnist það „Áhrif loftslagshlýnunar á vistkerfi straumvatna“.
Í erindinu verður lýst hvernig upptakakvíslar Hengladalsár í Hengladölum nýtast sem náttúrleg rannsóknarstofa til að meta áhrif loftslagshlýnunar á lífríki lækjanna. Útdráttur úr erindinu
Hrafnaþing hefst kl. 15:15 og því lýkur um kl. 16:00. Það er haldið í húsakynnum Náttúrufræðistofnunar að Urriðaholtsstræti 6–8 í Garðabæ, í Krummasölum á 3. hæð.