Fyrsta Hrafnaþingið á nýju ári
Starfsmenn Náttúrufræðistofnunar Íslands við vistgerðarannsóknir við Heklurætur.
Í erindinu verður fjallað um rannsóknaverkefnið Natura Ísland sem snýr að flokkun og kortlagningu vistgerða og búsvæða dýra og plantna á láglendi Íslands. Í erindinu verður fyrst og fremst leitast við að lýsa tilurð verkefnisins og tengslum þess við tilskipanir ESB, EES samninginn og alþjóða samninga sem Ísland er aðili að. Farið verður yfir helstu markmið og tilgang rannsóknanna og stöðu verkefnisins í dag. Nánari upplýsingar um erindið eru á vef stofnunarinnar.
Erindið verður flutt í húsakynnum Náttúrufræðistofnunar að Urriðaholtsstræti 6-8 í Garðabæ, í Krummasölum á 3. hæð kl. 15:15-16:00. Sjá kort.
Hrafnaþing er opið öllum. Verið velkomin!