Á Akureyri er öskudagur ekki eins og hver annar dagur og fáir dagar sem setja jafn mikinn svip á bæjarlífið. Krakkar vakna snemma, klæða sig upp í alls kyns furðubúninga, fjölmenna í fyrirtæki og stofnanir og syngja þar algenga söngva í skiptum fyrir góðgæti. Þannig hefur það lengi verið. Í Borgum var á tímabili vart hægt að þverfóta fyrir slíkum barnaflokkum og til okkar á Náttúrufræðistofnun komu um 80 krakkar í heimsókn. Í söngvalaun fengu þau harðfisk og sleikibrjóstsykur. Hér að neðan má sjá ljósmyndir af nokkrum hópum.