Úrslit teiknisamkeppni um bestu tígrisdýramyndina í tengslum við sýninguna Að spyrja Náttúruna - saga Náttúrugripasafnsins
Ísar Hugi Gestsson Fanndal fékk 1. verðlaun í yngri hópnum og 2. – 4. verðlaun hlutu Páll Rúnar Sigurðsson, Máni Hrafn Bergmann Maronsson og Eva Rut Ásþórsdóttir. Í eldri hópnum tók Kornelía Þöll Bjarnadóttir við 1. verðlaunum og 2. – 4. verðlaun fengu Arnar Sigurvinsson, Arnaldur Ólafsson og Ingólfur Geirdal. Vinningshafarnir mættu allir í Þjóðmenningarhúsið ásamt aðstandendum sínum og veittu verðlaunum viðtöku.
Alls bárust 131 teikning í samkeppnina. Náttúrufræðistofnun þakkar öllum þátttökuna í samkeppninni. Það voru bæði náttúrufræðingar og listamenn sem fengu það vandasama verk að velja bestu myndirnar.
Sýningin Að spyrja Náttúruna – saga Náttúrugripasafnsins reyndist sérlega vinsæl meðal leikskólanemenda og nemenda yngsta stigs grunnskóla sem flykktust á sýninguna í skipulögðum heimsóknum. Á þessum fáu mánuðum sem sýningin stóð yfir heimsóttu yfir 3.000 nemendur hana í fylgd kennara sinna og glímdu við nokkrar léttar rannsóknarspurningar um dýrin og teiknuðu uppáhaldsdýrið sitt. Allir vinningshafarnir í teiknisamkeppninni, utan einn, sáu sýninguna með bekknum sínum.
Hér fyrir neðan má sjá allar vinningsmyndirnar (smellið á mynd til að stækka).
1. verðlaun í hópi 6 til 7 ára, Ísar Hugi Gestsson Fanndal, 7 ára. | 1. verðlaun í hópi 8 ára og eldri, Kornelía Þöll Bjarnadóttir, 8 ára. |
2. til 4. verðlaun í hópi 6 til 7 ára, Eva Rut Ásþórsdóttir, 7 ára. | 2. til 4. verðlaun í hópi 8 ára og eldri, Arnaldur Ólafsson, 9 ára. |
2. til 4. verðlaun í hópi 6 til 7 ára, Máni Hrafn Bergmann Maronsson, 6 ára. | 2. til 4. verðlaun í hópi 8 ára og eldri, Arnar Sigurvinsson, 8 ára. |
2. til 4. verðlaun í hópi 6 til 7 ára, Páll Rúnar Sigurðsson, 6 ára. | 2. til 4. verðlaun í hópi 8 ára og eldri, Ingólfur Geirdal, 8 ára. |
Frá verðlaunaafhendingu í Þjóðmenningarhúsi fyrir bestu tígrisdýramyndina
Smellið á mynd til að stækka. (Ljósm. Anette Th. Meier)