Hrafnaþing er heiti á fræðsluerindum Náttúrufræðistofnunar og var þetta í sjötta sinn sem það var haldið. Hrafnaþingið var með svipuðu móti og áður, en erindi voru flutt að jafnaði annan hvern miðvikudag í sal Möguleikhússins á Hlemmi frá kl. 12:15 – 13:00.
Á dagskrá vetrarins voru 13 áhugaverð fræðsluerindi um rannsóknir og athuganir innan ýmissa sérgreina náttúrufræðinnar og voru þau opin öllum.