![Mynd af Ferlaufungur (Paris quadrifolia) Mynd af Ferlaufungur (Paris quadrifolia)](/sites/default/files/styles/original_medium/public/externals/b6d7055e7cc890087318cc0bece5982d.jpg?itok=coovFje8)
Útbreiðsla
Ferlaufungur er sjaldgæfur en einna algengastur á Suðvesturlandi, Vestfjörðum og Þingeyjarsýslu (Hörður Kristinsson - floraislands.is).Almennt
LíffræðiAldinið er eitrað (Hörður Kristinsson 1998).
SkaðsemiAldinið er eitrað (Hörður Kristinsson 1998).
Vistgerðir
Vex helst í skóglendi, hraunsprungum og innan um stórvaxinn gróður í friðuðum hólmum (Hörður Kristinsson 1998).Lýsing
Meðalhá planta (15–35 sm) með fjórum, stórum, kransstæðum blöðum og myndar svart ber. Blómgast í júlí.
BlaðAf láréttum jarðstöngli vaxa uppréttar hliðargreinar, hver um sig með fjórum, kransstæðum blöðum (Hörður Kristinsson 1998).
BlómEitt blóm á toppi hverrar hliðargreinar. Blómið fjórdeilt. Bikarblöðin lensulaga, oddmjó, græn, 2–3 sm á lengd og 4–5 mm breið. Innri blómhlífarblöðin talsvert styttri, gulgræn og striklaga. Fræflar átta með löngum, gulum frjóhirslum. Frævan dökkfjólublá (Hörður Kristinsson 1998).
AldinBerið dökkfjólublátt í fyrstu en verður enn dekkra við þroskun. Eitrað (Hörður Kristinsson 1998).
GreiningLíkist engri annarri íslenskri tegund.
Verndun
Ferlaufungur er friðaður samkvæmt auglýsingu nr. 184/1978 um friðlýsingu nokkurra plöntutegunda. Hann er þó ekki á válista.
Útbreiðslukort
![Útbreiðsla - Ferlaufungur (Paris quadrifolia) Útbreiðsla - Ferlaufungur (Paris quadrifolia)](/sites/default/files/styles/original_medium/public/externals/6b9c53e5af54883b0cef031d3a86be3c.jpg?itok=M2GPDLzT)
Höfundur
Hörður Kristinsson 2007
Vex helst í skóglendi, hraunsprungum og innan um stórvaxinn gróður í friðuðum hólmum (Hörður Kristinsson 1998).Biota
- Tegund (Species)
- Ferlaufungur (Paris quadrifolia)