Frjókorn
Náttúrufræðistofnun Íslands annast frjómælingar.
Frjókorn myndast í frjóhnöppunum, sem eru yst á fræfli (karlæxlunarfærum jurta) og eru hliðstæða sæðisfrumu dýra. Þau berast oftast á milli plantna með vindi eða skordýrum. Berist frjókorn á fræni vex frjópípa niður í eggið, frjóvgar það og fræ eða aldin þroskast.
![Skýringarmynd af frjókornum Skýringarmynd af frjókornum](/sites/default/files/styles/original_small/public/thumbnails/image/visindavaka_baekl_2008_frjokorn_plus4mm.jpg?itok=h3rf5YLN)
Frjókorn sjást ekki með berum augum (þau eru aðeins 0,1– 0,01 mm að stærð) en eru margbreytileg og misjöfn að gerð og í útliti. Þegar fræflar eru hristir yfir hvítu blaði má sjá gult eða rauðgult duft á blaðinu, þar er aragrúi örsmárra frjókorna á ferð. Fræflar hanga oft út fyrir sjálft blómið svo vindur eigi greiðan aðgang að frjóhnapp og frjóhirslum sem geyma frjókornin.
Frjókorn geta valdið ofnæmi meðal manna og því er magn þeirra í lofti mælt yfir sumartímann og upplýsingum miðlað jafnóðum og þær berast. Frjótölur eru gefnar upp sem meðalfjöldi frjókorna í einum rúmmetra andrúmslofts á sólarhring.
![adalblaberjalyng_01.jpg Frjókorn aðalbláberjalyngs (Vaccinium myrtillus)](/sites/default/files/styles/original_small/public/thumbnails/image/adalblaberjalyng_01.jpg?itok=aYa6Ls0O)
![baldursbra_01.jpg Frjókorn baldursbrár (Tripleurospermum maritimum)](/sites/default/files/styles/original_small/public/thumbnails/image/baldursbra_01.jpg?itok=LIBIOBu4)
![skeggsandi_01.jpg Frjókorn skeggsanda (Arenaria norvegica)](/sites/default/files/styles/original_small/public/thumbnails/image/skeggsandi_01.jpg?itok=44nGYThF)
![blagresi_01.jpg Frjókorn blágresis (Geranium sylvaticum)](/sites/default/files/styles/original_small/public/thumbnails/image/blagresi_01.jpg?itok=VQCWm93A)