Grýttur sandleir
F2.4 Grýttur sandleir
EUNIS-flokkun: A2.4 Littoral mixed sediments.
![gryttur_sandleir_hvalfjordur.jpg Grýttur sandleir](/sites/default/files/styles/original_small/public/thumbnails/image/gryttur_sandleir_hvalfjordur.jpg?itok=_T5Gerr1)
![gryttur_sandleir_thorskafjordur.jpg Grýttur sandleir](/sites/default/files/styles/original_small/public/thumbnails/image/gryttur_sandleir_thorskafjordur.jpg?itok=b_uwEGE3)
Lýsing
Setfjara þar sem fjörubeðurinn er samsettur úr misstórum flákum af leir, sandi, möl, steinvölum og hnullungum í ýmsum hlutföllum. Setið nær að jafnaði yfir 60% af heildarflatarmáli svæðisins og þangþekja er á bilinu 30–40%. Grýttur sandleir er oft á misstórum og sundurlausum spildum í þangfjörum og leirum og eru mörk yfirleitt fremur óljós. Á stærri steinum er þörungagróður sem líkist þeim sem er í þangfjörum en dýralíf er oft svipað og á leirum eða í setfjörum. Greint er á milli tveggja afbrigða af vistgerðinni eftir ríkjandi þangtegund: a) grýttur sandleir – klóþang og b) grýttur sandleir – bóluþang. Að jafnaði er grjótið stærra í klóþangsafbrigðinu.
Fjörubeður
Hnullungar, steinvölur, möl, sandur, leir.
Fuglar
Töluvert af fuglum í ætisleit, einkum æðarfugl, sendlingur, stelkur og tildra.
Líkar vistgerðir
Þangfjörur, leirur, óseyrar, líflitlar sandfjörur.
Útbreiðsla
Alls staðar þar sem þangfjörur og leirur finnast, mest inni í fjörðum.
Verndargildi
Lágt. Vistgerðin er á lista Bernarsamningsins frá 2014 yfir vistgerðir sem þarfnast verndar.
![kort_f2.4_gryttursandleir.jpg Útbreiðslukort grýttur sandleir](/sites/default/files/styles/original_small/public/thumbnails/image/kort_f2.4_gryttursandleir.jpg?itok=GtO1b3vb)
Áberandi gróður – Conspicuous vegetation | Áberandi dýr – Conspicuous animals | ||
---|---|---|---|
Bóluþang | Fucus vesiculosus | Hrúðurkarl | Semibalanus balanoides |
Klóþang | Ascophyllum nodosum | Doppur | Littorina spp. |
Grænþörungsættkvísl | Ulva spp. | Kræklingur | Mytilus edulis |
Söl | Palmaria palmata | Mottumaðkur | Fabricia stellaris |
Sandmaðkur | Arenicola marina | ||
Marflær | Amphipoda |
![graf_f2.4_gryttursandleir_dalkar2.jpg Selta og brimasemi í fjöruvistgerðum, grýttur sandleir](/sites/default/files/styles/original_small/public/thumbnails/image/graf_f2.4_gryttursandleir_dalkar2.jpg?itok=2LMdEVfU)