Svæðið er tilnefnt vegna vistgerða á landi, ferskvatnsvistgerða og fugla.
Mörk
Láglendi Skagafjarðar, frá ströndinni suður að Vallhólma. Afmarkast af Sauðárkróksbraut til vesturs, hringvegi nr. 1 í suðri og Siglufjarðarvegi nr. 76 til austurs.
Lýsing
Frjósöm flæðilönd og nærsvæði Héraðsvatna neðan Varmahlíðar allt til sjávar, ásamt Hegranesi og Miklavatni sem liggur vestan nessins. Gróskumiklar flæðimýrar eru meðfram vötnunum, víðast hvar raskaðar af framræslu, en vatnsstaða er víða há og gróður lítt breyttur. Þéttari framræsla og ræktun á landi sem hærra liggur fjær vötnunum. Mjög ríkulegt fuglalíf, fiskur í ám og vötnum. Landbúnaðarsvæði með mikilli ræktun og búfjárrækt, hrossabeit víða mikil.
Forsendur fyrir vali
Eitt stærsta og gróskumesta votlendissvæði landsins með miklum flæðimýrum og fuglalífi. Víðáttumikil svæði með gulstararflóavist. Miklavatn flokkast sem flatlendisvatn en aðrar vatnavistgerðir eru einnig áberandi á svæðinu. Alþjóðlega mikilvægt svæði á varptíma fyrir flórgoða og sennilega einnig grágæs. Eins fyrir helsingja á vorin og álft og grágæs í fjaðrafelli á sumrin.
Vistgerðir
Vistgerð | km2 | Hlutfall af heildarflatarmáli (%) | |
---|---|---|---|
Land | 11,55
|
6 | |
Ferskvatn | 9,35
|
4 |
Fuglar - Votlendi og önnur svæði
Nafn | Árstími | Fjöldi (pör) | Ár | Hlutfall af íslenskum stofni (%) |
---|---|---|---|---|
Flórgoði (Podiceps auritus) | Varp | 42
|
2004 | 6,0
|
Álft (Cygnus cygnus) | Fellir | 393
|
2005 | 2,0
|
Grágæs (Anser anser) | Fellir | 5000
|
2002 | 6,0
|
Helsingi (Branta leucopsis) | Far | 6949
|
1994 | 18,0
|
Ógnir
Framræsla, búfjárbeit, virkjanir og breytt vatnafar á vatnasvæði.
Aðgerðir til verndar
Framræsla verði ekki meiri en orðið er, endurheimta votlendi þar sem landnýting leyfir, stilla búfjárbeit í hóf og halda rennsli Héraðsvatna óbreyttu.
Núverandi vernd
Núverandi verndarsvæði | Staða |
---|---|
Miklavatn | Friðland |