Veiðivötn

Mörk

Vatnaklasi suðvestan við Vatnajökul, á milli Þórisvatns og Tungnaár. Norðvesturmörkin liggja frá Drekavatni um Vatnaöldur að Tungnaá norðan Irpuvers og fylgja ánni suðvestan Snjóöldufjallgarðs að Klakkafelli.

Stærð

227,8 km²

Hlutfall lands: 78%
Hlutfall fersks vatns: 22%

Svæðislýsing

Fagurt og sérkennilegt landslag í um 600 m h.y.s. sem mótað er af eldvirkni. Fjöldi vatna sem mörg hver eru í gömlum eldgígum og er land nokkuð vel gróið næst þeim, en annars er svæðið mikið til gróðursnautt. Mosar eru ríkjandi. Skötuormur, stærsti hryggleysingi sem finnst í ferskvatni hérlendis, lifir þarna í tjörnum. Svæðið er afar vinsælt til stangveiða og og einnig eru netaveiðar stundaðar af veiðiréttarhöfum.

Forsendur fyrir vali

Fjölskrúðugt fuglalíf og ná himbrimi og húsönd alþjóðlegum verndarviðmiðum á varptíma og eins húsönd að vetri.

Fuglar

Sjá einnig ítarlegri umfjöllun um fuglasvæðið Veiðivötn.

Ógnir  

Ferðamennska og silungsveiði.

Aðgerðir til verndar

Setja reglur um umgengni við viðkvæm búsvæði fugla og draga úr netadauða á himbrimum.

Núverandi vernd

Kortasjá

Veiðivötn í kortasjá

Útgáfudagsetning

5. apríl 2018.