Fréttir

Þrjú græn skref

27.08.2015
Viðurkenning fyrir þrjú græn skref
Mynd: Umhverfisstofnun
Emilía Ásgeirsdóttir og Guðmundur Guðjónsson, fulltrúar í umhverfisnefnd Náttúrufræðistofnunar Íslands, tóku við viðurkenningarskjali fyrir þrjú græn skref. Ljósmynd fengin af vef Grænna skrefa.

Náttúrufræðistofnun Íslands hefur staðist úttekt á fyrstu þremur af fimm Grænum skrefum í ríkisrekstri og hlaut á dögunum viðurkenningu þess efnis. Markmið með grænum skrefum er að efla vistvænan rekstur ríkisins með kerfisbundnum hætti, einkum skrifstofurekstur, og hafa þannig jákvæð áhrif á umhverfið, bæta starfsumhverfi starfsmanna og draga úr rekstrarkostnaði.

Þeir þættir sem horft er til við innleiðingu Grænna skrefa eru sex talsins: innkaup; miðlun og stjórnun; fundir og viðburði; flokkun og minni sóun; rafmagn og húshitun; og samgöngur. Skrefin eru innleidd í fjórum áföngum, en fimmta og síðasta skrefið sýnir helstu aðgerðir sem þarf að innleiða til að byggja upp umhverfisstjórnunarkerfi.

Náttúrufræðistofnun Íslands var meðal fyrstu stofnana ríkisins í að hefja aðlögun starfseminnar að markmiðum grænna skrefa. Stofnunin nú vel á veg komin og stefnt er að því að að ljúka innleiðingu á árinu. Á vef Grænna skrefamá sjá hvaða stofnanir taka þátt í verkefninu og hvar þær eru staddar í ferlinu.

Umhverfisstofnun fer með umsjón Grænna skrefa.