Fréttir

Nishinoshima: ný eldey myndast sunnan Japan

24.03.2015
Nishinoshima, eldey sunnan Japan
Mynd: Japan Coast Guard
Hin nýja Nishinoshima eyja, 25. desember 2014. Gufa stígur af gígnum sem hrauntungur liggja út frá. Á strönd glittir í klett sem er leif af gömlu eynni.

Borgþór Magnússon plöntuvistfræðingur hjá Náttúrufræðistofnun Íslands flytur erindið „Nishinoshima: ný eldey myndast sunnan Japan“ á Hrafnaþingi miðvikudaginn 25. mars kl. 15:15.

Fjallað verður um litla og afskekkta eldey, Nishinoshima, sem liggur í eyjaklasa í Kyrrahafi, um 1000 km suður af Japan. Tíndir verða saman fróðleiksmolar um eyna og hún borin lítillega saman við Surtsey.

Útdráttur úr erindinu

Hrafnaþing er haldið í húsakynnum Náttúrufræðistofnunar að Urriðaholtsstræti 6-8 í Garðabæ, í Krummasölum á 3. hæð.

Hrafnaþing er opið öllum. Verið velkomin!

Athugið að erindið verður ekki tekið upp.