Fréttir

Heimsþing um friðlýst svæði á Hrafnaþingi

26.01.2015
Jon Hutton framkvæmdastjóri UNEP/WCPA
Mynd: Jón Geir Pétursson
Jon Hutton framkvæmdastjóri UNEP/WCPA kynnir skýrsluna „Protected Planet 2014“ á World Parks Congress í Sidney.

Jón Geir Pétursson skrifstofustjóri í umhverfis- og auðlindaráðuneytinu flytur erindið „Heimsþing um friðlýst svæði / IUCN World Parks Congress 2014“ á Hrafnaþingi miðvikudaginn 28. janúar kl. 15:15.

Í haust var heimsþing Alþjóðlegu náttúruverndarsamtakanna (IUCN) um friðlýst svæði haldið í Sidney í Ástralíu. Þar var fjallað um málefni friðlýstra svæða og náttúruverndar frá fjölmörgum sjónarhornum. Í erindinu verður fjallað um helstu áherslumál þingsins og þau rædd í samhengi íslenskra aðstæðna.

Útdráttur úr erindinu.

Hrafnaþing er haldið í húsakynnum Náttúrufræðistofnunar að Urriðaholtsstræti 6-8 í Garðabæ, í Krummasölum á 3. hæð.

Hrafnaþing er opið öllum. Verið velkomin!