Fréttir

Frjómælingar á Akureyri og í Reykjavík í apríl og maí 2009 - fréttatilkynning

09.06.2009
Frjómagn í Reykjavík í apríl og maí losaði 700 frjó/m3 sem er nokkru yfir meðallagi en töluvert minna en mældist í fyrra. Þann 29. apríl mældust fyrstu frjókornin á Akureyri og síðan hafa frjókorn verið í lofti þar alla daga að undanskildum 4. maí. Framundan er frjótími grasa, túnsúru og hundasúru. Í júní eru frjótölur oftast lágar en geta farið yfir 10 þegar kemur fram í miðjan mánuðinn. Á stöðum þar sem gras er látið óslegið og það fær að blómgast og vaxa úr sér verða frjótölur þó mun hærri. Á Íslandi er grasofnæmi algengasta frjóofnæmið.

Frjótölur birtast á síðu 169 í textavarpi RÚV. Einnig má skoða frjótölur á vef Morgunblaðsins. Fjótölur birki- og grasfrjóa birtast á vef Náttúrufræðistofnunar sem súlur á myndriti jafnóðum og tölur liggja fyrir. Þar má sjá hvernig sumarið í ár kemur út m.t.t. frjómælinga fyrri ára.

Nánar um frjómælingar í apríl og maí 2009.